近排因為「新疆棉花」事件，引起廣大民眾發起杯葛行動，唔少涉事嘅外資企業都被列入杯葛抵制嘅名單之中。咁講起呢段，阿史就諗到中國近代第一次杯葛日貨嘅呢段歷史。

如果要講起呢件杯葛日貨嘅歷史，就要由1908年開始講起。喺百幾年嘅清朝，自從喺1894年戰敗咗畀日本之後，日本嘅行為就越來越過份，掠奪南海資源不斷，而且仲做埋偷運軍火嘅行徑。喺1908年，日本輪船二辰丸就偷運槍支彈藥去到澳門，一共有成步槍2000枝、子彈4萬發，但點知當時呢艘船就被廣東水師截獲。當時日本政府就提出呢艘船行入嘅水域係得到葡方允許，所以要求清政府必須歸還船隻、謝罪道歉。頭幾次清廷同日、葡交涉都係冇結果，但去到3月13日，清朝就接受咗5項要求，放走二辰丸之餘仲鳴炮示歉、賠償損失。

呢一件事廣傳之後，全國人民，特別係香港同澳門嘅市民都相當悲憤，甚至仲有民眾喺3月19日廣東舉行國恥紀念大會，號召抵制日貨、振興國貨行動。而呢次行動真係為日本帶嚟巨大損失，據估計日本對華出口額同比下滑6%以上，單係計40日抵制日貨運動，當時日本就已經冇咗300萬，最後日本被逼放棄向中國索賠。

原圖嚟自網絡