呢幾日由於「新疆棉花」事件，唔少內地網民都號召抵制幾間外資嘅服裝公司，支持國產品牌發展。而喺早年，其實香港都有一樣廉價嘅產物屬於國貨，而呢樣就係唔少史友細過體育堂都着過嘅「白飯魚」喇！

「白飯魚」其實就係白色嘅帆布鞋，但以前廣東人叫呢種鞋就係「白鞋白鞋」咁叫，聽落就好似「白骸」，意頭唔好。於是就有人諗到，既然兩隻鞋都係全白色，不如就叫做「白飯魚」仲好聽啦！呢款廉價帆布鞋主要就係出產自中國內地、由白色帆布同埋橡膠鞋底組成，由於價格便宜，所以早年就成為唔少低下階層、地盤裝修工人成日著嘅鞋，甚至早年嘅中小學仲係指定嘅運動鞋。

時至今日，因為社會上嘅人愈來愈有錢，亦都更著重對足部嘅保護，「白飯魚」就已經冇乜人著喇！

原圖嚟自網絡