提起早年香港比較深入民心嘅一個人物，相信部分史友可能會諗到「九龍皇帝」曾灶財。佢嘅墨寶就成為唔少人嘅集體回憶，本來全港大概就只係得返天星碼頭及坪石邨呢兩個地方仲有保育曾灶財墨寶，之但係近日又有新發現喇！

「九龍皇帝」曾灶財逝世13年之後，繼前年喺中環纜車里花園道橋底發現曾灶財墨寶之後，早幾日就喺觀塘偉發道有一處新嘅墨寶「出土」，喺橋躉下方就睇到有「國皇」、「曾」等字眼，但由於畀幾個黑色大膠袋遮蓋，到底其他係咩字就真係未有人知，但有傳媒訪問過幾位曾灶財生前好友，都指出應該就係佢本人所寫。

曾灶財一直以嚟自號「九龍皇帝」，過去幾十年都以毛筆書寫講述自己以及家族過往事蹟，喺九龍各區包括觀塘、尖沙咀天星碼頭、坪石邨，甚至係中環都曾經有過佢嘅墨寶。佢塗鴉超過50年，作品甚至仲駡2003年威尼斯雙年展展出。之不過，對於曾灶財墨寶社會上評價兩極，過往唔少塗鴉都被油漆遮蓋，唔知呢次結果會係點呢？

原圖嚟自網絡