曾兩奪金像獎男配角、資深藝人廖啟智自去年12月發現患胃癌後一直留醫，惟今日晚上八時三十二分在沙田威爾斯親王醫院不敵癌魔，在家人陪伴下離世，終年66歲。

廖啟智喺基層家庭長大，自幻就因為睇粵語長片見到童星馮寶寶而受到啟發，決心要成為演員。佢嘅求學生涯亦都相當曲折，轉讀過多間學校，最後喺1972年中學畢業之後，佢就先後兩次投考無綫藝員訓練班先至喺1979年成功入圍，佢同期嘅學員就有湯鎮業、景黛音、周秀蘭等等.

智叔畢業之後好快就得到《上海灘》飾演丁力助手「陳祥貴」一角嘅機會，佢喺效力無綫期間就出演過60幾套電視劇，以出演警察角色知名。智叔嘅演藝生涯相當精彩，先後效力過無線、香港電視網絡、後來就以自由身拍攝。佢亦都有出演過電影，喺1993年憑《籠民》獲得第12屆香港電影金像獎最佳男配角獎、2009年憑《證人》再度榮獲香港電影金像獎最佳男配角獎，係一位極具實力嘅演員。

原圖嚟自網絡