「九龍皇帝」真係皇族之後？

尋日阿史就同大家講到近日「九龍皇帝」曾灶財墨寶喺觀塘重新出土，唔少史友都熱烈討論，甚至仲有史友稱呼佢做本地街頭藝術嘅元祖，咁到底點解曾灶財會叫自己做「九龍皇帝」呢？到底當中有咩原因呢，阿史今次就同大家講一講啦！

曾灶財原本係廣東省高要縣蓮塘村人，本身生活平淡，佢同後生過佢15年嘅老婆育有4子4女。年少時曾灶財喺聖芳濟書院讀書，後來投靠香港嘅舅父，但就因為一次工業意外而壓受隻腳，令到以後都要用柺杖走動。

咁曾灶財又係點解會認為自己係「皇族之後」呢？原來佢有次整理祖先遺物果陣，就發現原來九龍部分土地，特別係九龍城一帶原本就係御賜畀佢祖先嘅食邑，喺佢自己嘅作品入面仲寫係「周攜王封的曾向虢的第35帶後人」。自從佢知道呢個消息之後，佢就不滿當時嘅政府霸佔佢土地，所以開始四處稟狀，仲以塗鴉嘅方式周圍寫，經常都同市政人員、警察發生爭執。