之前介紹過2005年中國國內出現有一場重大嘅杯葛日貨行動,今次就想講講一件事發生响2004年嘅「反日」事件。

呢件事就係2004年8月舉行嘅亞洲盃決賽,中國隊對日本隊。由於個屆亞洲盃決賽周係响中國舉行,所以呢場決賽中國隊有主場之利,唔少球迷對中國隊寄予厚望。因為個次係中國隊响1984年之後,相隔20年再殺入亞洲盃決賽。

結果呢場波中國隊以1比3輸咗俾日本隊,飲恨奪亞。不過,呢場波其中一個爭議點就係日本隊入嘅第二球疑似係日本球員中田浩二用手拍入網,令日本隊再得到領先優勢,就因為咁,在場中國隊球迷對裁判同賽果極到不滿,唔少球迷覺得輸得太冤枉,激動到完場後响球場外馬路聚集,圍住球場。記得當日有入場睇波嘅日本朋友話,佢哋响球場困咗三個鐘先離開到工人體育場...

原圖:網絡