今時今日大家讀緊嘅數學公式唔少都係嚟自西方,「一元三次方程求根公式」相信讀書期間唔少史友都學過,但史友們又知唔知其實呢件公式最早係出現喺中國,出現嘅時間仲足足早過歐洲四、五百年呢?

古代嘅中國對求解一類大衍問題都作出過唔少討論,喺《孫子算經》入面就有提到「今有物,不知其數,三三數之剩二,五五數之剩三,七七數之剩二,問物幾何?」而呢條問題正係現代數論中求解一次同餘式方程組嘅問題。咁古人遇到呢啲問題又係點算呢?

喺宋代就有一位數學家叫做秦九韶,佢就喺1247年成書嘅《數書九章》入面解答過呢條問題,佢稱呢種解法為「大衍求一術」,亦即係現代嘅一次同餘式組解法,比1801年著名數學家高斯建立嘅理論早咗五百年,而如果係比較歐洲1559年Buteo嘅定論,秦九韶嘅理論都要早三百幾年,所以秦九韶又被稱為「最幸運的天才」,呢次嘅理論亦都係中世紀世界數學嘅最高成就。

原圖嚟自網絡