同穿越主題有關嘅影視作品相信大家都睇唔少,但如果現實有人同你講佢係喺以前穿越過嚟,唔知史友們又會點回應佢呢?

近日喺莫斯科舊卡恰洛夫接車站就有網民影到一個身穿蘇聯時期軍裝、背包嘅男人行走喺地鐵站嘅鐵軌之上,好似喺度搵緊人咁。每逢有人問起佢做咩,佢都舉起一張士兵證,而詭異嘅係呢張紅軍士兵證件係1930年代架!唔單止咁,呢位仁兄仲聲稱自己係同部隊同袍走散咗,所以想搵返佢哋。事件畀市民影低再上傳到網絡,隨即就引嚟廣大網民熱議,甚至仲有人認為佢係「時空旅行者」。

至於呢個男人最後點樣?鐵路警衛冇幾耐就趕到現場,先係勸佢離開,但失敗之後就交由警方強制逮捕,而呢位男子真正來歷就仍然調查緊。無論點都好,呢件事都真係引起世界各地市民嘅關注,真係滿足咗大家嘅好奇心啊!

原圖嚟自網絡