喺2001年嘅今日，係「中美南海撞機事件」發生嘅日子，呢件悲劇當中我國嘅海軍航空兵駕駛員王偉就不幸犧牲。喺呢個特殊嘅日子，阿史就想為大家介紹呢位英雄嘅故事。

喺2001年4月1日，當時身為中國海軍航空兵駕駛員嘅王偉就駕駛一架編號為「81192」嘅殲-8II戰鬥機喺中國專屬經濟區飛行，但點知途中就同美軍一架EP-3偵察機喺海南附近海域相撞。據事後報道，中國戰機墜毀，王偉跳傘後失踪後經搜救無果，只能確認王偉已殉職。

至於EP-3偵察機當時就迫降至海南島，機組人員遭中國扣留。經過一系列談判後，中國同意放人，但要求拆解EP-3。呢一件事後世稱為「南海撞機事件」，一直都係中國民眾視為恥辱嘅一件事，同1990年代「三大恨」——1993年銀河號事件、1996年台海危機、1999年炸館事件——並列。

喺浙江杭州王偉墓前仲有市民自發獻上鮮花、政府軍殲-20戰機、殲-15戰機、航空母艦模型。事件至今已經二十年，廣大嘅傳媒同埋解放軍南海艦隊仍然發文紀念王偉，當中就有一句表示「今天的世界不應該是誰的胳膊粗、拳頭大誰就說了算，以大欺小、恃強凌弱的時代早已一去不復返了，中國海軍絕不會讓歷史重演。」

原圖嚟自網絡