商朝紂王嘅「酒池肉林」大家就聽唔少,咁到底正正常常嘅商王日常生活又係點樣呢?近日就有考古學者藉住殷墟古文物同大家介紹當時嘅生活,原來商朝當時嘅帝王對沖涼呢件事係相當講究架!

商王沖涼用熱水相信都唔係一件太令人驚訝嘅事,但如果同大家講當時迦王已經有好多種盥洗器具,大家又信唔信呢?殷墟被後世嘅學者認為係商朝晚期王都遺址,所以喺呢個地方出土嘅銅器、陶器、馬車器、骨器當中有部分都係由帝王所用,而喺其中一個墓入面就曾經發現過一組可能係商王「盥洗用具」。

呢套商王盥洗用具當中就有「寢小室盂、右勺、龍紋盤、弦紋壺、青銅人面、五件陶磢」等等,當中寢小室盂就係放置喺沖涼嘅地方、弦紋壺就係用嚟打水,再利用右勺同埋龍紋盤幫商王洗面,至於五件陶磢就係專門用嚟去角質,另外仲設有一個巨鼎專門用嚟煮熱水,簡簡單單沖一次涼就要用到咁多器具,仲各有唔同功用,真係講究啊!

原圖嚟自網絡