近排喺北京就有一間售賣「狗不理」嘅集團，佢哋喺北京最後一間門店都已經結業，百年嘅老店風光不再。到底「狗不理」係一款點樣嘅包點，又點解會因為慈禧太后而出名呢？阿史今次就同大家介紹下啦！

狗不理原本係一款天津著名小食，始創於1858年，係由一位直隸省武清縣下朱莊人高貴友發明。佢自幼就住喺天津，喺南運河畔嘅劉家蒸吃鋪做幫工同埋學徒，喺呢段時間佢就學識包點嘅手藝，跟手自己仲開咗間「德聚號」嘅包點鋪。

咁喺開鋪初時，「德聚號」就因為出品色香味形俱佳，生意相當興隆，高貴友做得生意嚟又唔得閒同啲客人傾計，而由此佢嘅乳名叫做「狗子」，所以啲客人就戲稱「狗子賣包子，不理人」，所以佢所經營嘅包就被稱為「狗不理包子」

咁呢款包點又係點樣同慈禧扯上關係呢？原來喺袁世凱仲係直隸總督果陣，佢就曾經去過天津練兵，仲喺當地帶過「狗不理」畀慈禧太后食，據講當地慈禧太后食完之後就大讚「山中走獸雲中雁，陸地牛羊海底鮮，不及狗不理包子鮮矣，食之長壽也 」，於是呢款包就喺京津冀地區出晒名喇！

原圖嚟自網絡