龍袍喺博物館就見唔少,但如果有朝一日係喺X光機過機果陣見到,唔知史友們又有咩反應呢?

近日喺浙江杭州海關杭州蕭山機場就有一件咁嘅事發生,當地嘅進境商業快件入面,海關人員就為申報為「棉質刺繡女裝上衣」同埋「銅擺件」嘅兩件快件進行檢查,但檢查緊嘅時候就發現兩件物品過機圖像異常。喺有懷疑之下,佢哋就打開箱檢查,點知就發現實際嘅物品原來係一件清代龍袍以及明代佛像。兩件物品最初嘅申報價分別係381元同埋169元,但經過專家鑑定後,就發現呢兩件物品分別價值15萬同埋3萬,至於兩件古物係咩來歷就仍然需要調查。

原圖嚟自網絡