早幾日就同史友們介紹到商王一系列嘅沖涼器講究，唔少史友們睇完都覺得好得意，就想阿史介紹多啲商朝嘅青銅器，咁就當然冇問題啦！

提起商朝嘅銅器，相信唔少史友都會諗起大盂鼎、曾仲斿父壺等等，但其實司母戊鼎都好值得介紹架！司母戊鼎依家就存放喺國家博物館，係國家一級文物。司母戊鼎相信係商代晚期嘅一個王室祭祀用嘅鼎，由於鼎腹內壁著有銘文「司/后母戊」三字，所以就用呢個名為名。翻查史實，「母戊」其實就係武丁妻妾婦妌廟號，所以呢個鼎有可能就係由祖庚或祖甲為祭祀母親而鑄造。

司母戊鼎器型高大厚重，係殷墟考古發掘以來出土最大同埋最重嘅青銅器，器物唔少地方都係美觀莊重，工藝精緻，既有細密嘅雲雷紋，又有盤龍紋、饕餮紋，真係好考功夫啊！

咁史友們可能會問，咁大個鼎到底係用嚟做乜呢？點樣祭祀法呢？原來喺考古團隊發掘同考證之後，就喺殷墟發現1178件人骨，佢哋嘅頭部同埋身體都被切割過，頭部更加係被擺放到墓室附近，所以推斷呢啲「活祭品」係用嚟增強死去君王靈力，而具體嘅方式就係通過「司母戊鼎」烹煮獻祭人肉，真係估佢唔到！

原圖嚟自網絡