非裔美國人嘅人權近年喺美國重新牽起唔少討論,而提起為黑人爭取民權嘅運動,有一個人物係不得不提,呢個就係美國民權運動領袖馬丁·路德·金,而佢喺當年今日就不幸被槍擊身亡。

馬丁·路德·金原本係一位浸信會牧師,喺佢職業早年就已經開始投入民權運動,曾經參加過1955年Montgomery Bus Boycott、1962年喬治亞州奧巴尼反種族隔離抗爭等等。由於佢每次嘅抗議都係以非暴力手段進行,同當時粗暴嘅美國警方形成強烈對比,所以都係唔少新聞嘅焦點。而佢喺1963年嘅林肯紀念堂前發表《我有一個夢》演講,更加令佢成為美國史上最出名嘅演說家之一。

1968年4月4日,馬丁·路德·金喺佢一家汽車旅館門口畀一位白人種族主義者開槍射擊,馬丁·路德·金送醫不治身亡。而事後呢位行兇者被捕,即便過咗兇案之後20年,佢都仲係堅稱呢次行動佢係同政府特工一齊合作。

原圖嚟自網絡