早前阿史介紹咗衣冠禽獸，今次就想介紹另一個成日用嘅四字成語，就係人面獸心。

人面獸心係形容一啲人品行好差，凶狠殘暴。以往人面獸心最初係形容兩種人，第一種係外族。响《漢書．匈奴傳》中就對匈奴族人有咁嘅描述：「夷狄之人貪而好利，被髮左衽，人面獸心。」認為佢哋未開化，唔識禮儀。表面上睇係人，其實上內心就同野獸一樣。另一種就係嚟形容啲暴君，响《列子·黃帝》：「夏桀、殷紂、魯醒、楚穆，狀貌七竅皆同於人，而有禽獸之心。」上述幾位都係中國歷史上著名暴君，所以「人面獸心」可以話係另一種貶義用法。

不過阿史就曾經同同事討論，到底係人面獸心衰啲，定衣冠禽獸衰啲呢？呢個係一個謎....

原圖：網絡