由細到大，大家都應該聽唔少同龍有關嘅詞語，就好似帝王會以「真龍天子」自居，而形容我哋嘅民族就會用到「龍的傳人」。明明世界上有咁多種唔同嘅動物又或者其他圖騰，點解偏偏會用到龍呢？阿史今次就同大家介紹下啦！

提起中華嘅龍文化，大大話話都有八千年歷史，喺呢段漫長嘅歲月入面，古人嘅日常生活都有好多同龍相關嘅事物出現，龍並唔係一種生活，而喺古代先民喺幻想中合成。喺《尚書‧堯典》入面就有講到，古代氏族虞舜領導嘅幹部入面就有朱虎、熊羆、夔等等圖騰作為氏族象徵。而呢啲圖騰曾經係各自存在過，但據聞一多推斷，呢啲圖騰所屬嘅氏族後來被一種類似蛇圖騰嘅氏族兼併，慢慢呢個「蛇」嘅氏族圖騰就有咗獸類四腳，馬頭、鹿角、鬣同埋尾，形成大家今日所認識嘅龍。而中國人作為佢哋嘅後來，自然就係「龍的傳人」喇！

原圖嚟自網絡