提到平日嘅家庭活動,相信飲茶必定係大家經常做嘅一件事,飲下茶歎下「一盅兩件」都真係幾寫意,而「飲茶」文化之所以會咁盛行,唔多唔少都同一個人有關,呢個人正正就係上個月底喺廣州逝世嘅97歲點心巨匠陳勛。

陳勛師傅嘅名未必人人聽過,但講起炸両同埋糯米卷就真係同佢有莫大嘅關係。陳勛喺 14歲就入行做點心,當時就係喺七妙齋由低做起,直到兩年之後先至有機會入到廚房做學徒。當時廣州嘅「飲茶」文化都已經百花齊放,有住唔少高檔嘅茶樓就好似有六國飯店、大三元酒家、大同酒家等等。而當時20歲出頭嘅陳勛,好快就已經成為六國飯店、大三元酒家點心部負責人,唔少廣州都聽過。

而提起陳勛師傅,可能有史友都知道佢喺1983年第一屆中國全國美食大賽就總結出粵式點心「四大天王」,即係蝦餃、乾蒸燒賣、叉燒包及蛋撻;而同陳師傅最大關連嘅,就當然係炸両、糯米卷呢兩款美味點心。炸両、糯米卷都係由陳師傅喺當時糧食相對缺乏嘅作代創作,炸両嘅原形就係腸粉,只係用油條取代咗當中嘅肉餡;而糯米亦都係同樣嘅原理,真係估佢唔到!

原圖嚟自網絡