尋日英國白金漢宮宣布一個震驚世界嘅消息，就係英女王伊利沙伯二世丈夫菲臘親王與世長辭，享年99歲。菲臘親王嘅離世亦都意味住英女重伊利沙伯二世痛世一個陪伴咗佢73年嘅摯愛。73年係一段相當長嘅日子，阿史今次就想同大家介紹下英女王同埋菲臘親王之間嘅愛情故事。

菲臘親王出生喺1921 年 6 月 10 日嘅希臘科孚島（Corfu）係希臘同埋丹麥王子，他爸爸父親係希臘、丹麥王子安德烈阿斯，媽媽就係愛麗絲公主，即係英國維多利亞女王曾外孫女。菲臘親王年幼果陣因為政局動盪，全家離開希臘，前往法國。他喺 1939 年加入英國皇家海軍，成為海軍學員。佢喺後來二戰全面爆發之後，仲曾經喺拉米利斯號戰艦（HMS Ramillies）、肯特號重巡（HMS Kent）、華禮仕號偵察驅逐艦（HMS Wallace）等艦上服役，並以 21 歲之齡成為英國海軍史上最年輕上尉。

菲臘親王喺1939年就已經當時伊利沙伯公主邂逅，戰時都一直以書信聯絡，1946 年佢向英國君主佐治六世請求，允許佢同伊利沙伯公主成婚。兩人於最後喺1947 年 7 月公布訂婚，4 個月後喺西敏寺舉行婚禮，佢獲封為愛丁堡公爵。之不過，要迎娶伊利沙伯二世並唔係咁容易，菲臘親理係需要入藉英國，放棄原有身分、姓氏，結果佢就由格呂克斯堡（Glucksburg，全稱什勒斯維希-霍爾斯坦-索恩德堡-格呂克斯堡）改姓蒙巴頓（Mountbatten），捨棄希臘、丹麥王室頭銜與繼承權。

菲臘親王與女王育有4名子女分別係1948年出生王儲查理斯、1950年出生安妮公主、1960年出生安德魯王子、1964年出生愛德華王子。喺伊利沙伯登基成英女王後，菲臘跟隨伊利沙伯履行王室公務，四出訪問直到2009 年，菲臘親王成為英國歷史上在位時間最長嘅君主配偶，而佢亦都喺2017 年起得到女皇伊利沙伯支持卸下王室職務，結束個人公務活動正式退休。

原圖嚟自網絡