提起近代規模比較龐大嘅戰爭,相信唔少史友都會諗起波斯灣戰爭。呢場由1990年8月2日開始嘅戰爭,係以美國為首嘅34個國家組成嘅聯軍同伊拉克之間發生嘅戰爭。雖然表面上係喺1991年2月28日終結,但實際上係去到1991年4月11日先至真正停火。

喺1990年8月2日,伊拉克軍隊入侵科威特推翻科威特政府,美國同埋多國嘅部隊就喺1991年1月17日開始對科威特同埋伊拉克發動軍事進攻,出動過接近7.6萬次戰機進行過接近42日嘅空襲、亦都喺伊拉克、科威特等地方進行大規模陸戰、而且仲點燃咗科威特接近600個油井。唔單止咁,喺戰事期間美軍仲用到唔少高科技武器好似由航母發出各式導彈、通過人造衛星進行電視直播,令到世界認識到現代戰爭嘅方式。

最終美國聯軍一方取得勝利,而伊拉克最終接受聯合國安理會第660號決議由科威特撤軍,駐海灣美軍亦都喺4月11日正式宣佈停火,呢場自二戰、越南戰爭以嚟最大規模嘅戰爭就咁結束喇。

原圖嚟自網絡