儒家創始人孔子逝世

喺2500幾年前嘅今日，有一位嚟到今日都仲影響住世界思想嘅人物逝世，阿史所講嘅正正就係儒家創始人孔子。

孔子名丘，字仲尼，孔子出生喺公元前551年嘅魯國，係我國古代最偉大嘅思想家同埋教育家。佢年幼喪父，自少都跟住母親過艱苦嘅生活，佢去到十五歲嘅時候先至立志讀書，先後就做過吹鼓手、牧場管理員等问。喺佢求學期間，佢就專程拜見過道家嘅始創人老子，又去過周天子嘅都城學習，但後來逍上戰亂，就去到齊國認識到至善至美嘅音樂。

當老子重新返到魯國嘅時候，佢就做過一段時期嘅大官，負責掌管刑法；去到佢五十幾歲果陣，佢就開始周遊列國十幾年，專門收徒講學，鼓吹周禮，亦都喺講學期間整理自己嘅思想同心得，留低唔少經典，而《論語》就係佢弟子紀錄佢言論而集成嘅著作。孔子一生之中教過三千幾個學生，當中仲有七十幾人創過一番事業。直至七十三歲孔子逝世，後世為咗紀念佢就喺各地興建孔廟、孔府等等。