「成也蕭何、敗也蕭何」係點樣嚟?

又係時候同史友們介紹下一啲典故，「破釜沉舟」、「項莊舞劍、意在沛公」等等，呢啲故事典故大家都應該都聽唔少，但今次阿史就想同大家講一講果位「成也蕭何、敗也蕭何」嘅韓信。

喺劉邦起義之時，蕭何就已經同劉邦稱兄道弟，漢朝可以建立唔多唔少都係因為蕭何，所以佢深得劉邦信任，後來仲成為埋丞相。而喺一次突如其來嘅機會之下，蕭何就識到韓信，並且認為佢係一個人才多次同劉邦舉薦，就算後來劉邦並冇重用韓信而令到韓信失望而去，蕭何都月下追韓信，最後劉邦先至封韓信為大將軍，消滅項羽。所以話韓信嘅成功真係因為有「蕭何」存在。

咁「敗」又係乜野一回事呢？而喺天下平定之後，嫉妒心重嘅劉邦就為韓信安插罪名，將佢貶為淮陰侯奪走兵權。韓信當然就唔服呢個決定，暗地就搵嚟其他造反嘅人打算推翻劉邦。但點知呢個消息畀呂后知道咗，呂后就叫蕭何呃韓信入宮，仲設下埋伏殺死韓信，所以韓信嘅一生就真係「成也蕭何、敗也蕭何」喇！