繼續同史友們介紹一啲香港嘅特色歷史建築,紅磚建築以往都同大家講唔少,之但係位於九龍用嚟報時嘅訊號塔大家又聽過未呢?阿史今次就同大家介紹下啦!

今次想同大家介紹嘅呢座建築物名為「大包米訊號塔」,之所以有「大包米」呢個稱呼全因為呢座塔所在嘅位於係喺尖沙咀一座叫做「大包米」嘅山上,亦即係今時今日嘅大包米訊號山花園。

呢座塔係喺1907年由天文台興建,放置喺前水警總部嘅時間球附近。咁點解當時天文台要大費周章喺呢個位置起塔呢?原來早喺18世紀果陣,香港就已經係一個繁忙嘅港口,船隻由蘇彝士運河到達香港後再到中國就已經經歷咗唔同時區,所以為咗方便呢啲船隻,早年就係以水警總部嘅時間球為船隻報時。但後來因為水警總部不斷發展,天文台就喺1907年用興建呢座塔,除咗係為市民同埋海員報時,等海港內嘅船隻離遠都可以見到呢個位置,真係有心機!

原圖嚟自網絡