有人想殺孔子？

之前介紹咗一啲關於孔子嘅事蹟，記得以前上中文堂個陣（無錯，係中文堂，不過中文老師都係教中史），就講過有人想殺孔子，唔知史友們有無聽過呢個故事呢？

呢個故事响《史記‧孔子世家》有記載。話說孔子帶領弟子周遊列國，去到宋國。由於當時孔子有相當名氣，又四出遊說各國君主行佢個套，所以當時執掌宋國朝政嘅司馬桓魋就擔心孔子會被宋君重用，所以就用咗一啲嗱渣招對付孔子同佢嘅弟子。當時孔子停留宋國期間，同弟子習禮大樹下，司馬桓魋就想殺咗孔子，於是就派人「拔其樹」，等大樹壓死孔子。當時孔子嘅一班弟子驚慌失措，催促孔子快啲逃命，不過孔子就話「天生德於予，桓魋其如予何？」，意思即係上天俾咗佢推行道德嘅使命，司馬桓魋又可以奈佢乜嘢何。可能孔子就係睇得咁開，所以先至咁從容鎮定無憂無懼。

呢個「宋人伐木」嘅故事，其實係古代一宗殺人未遂事件。