早兩日就同大家介紹到「成也蕭何、敗也蕭何」，唔少史友都留言想阿史繼續介紹一啲有意思嘅歷史典故，咁就當然冇問題啦，今次就同大家講一講「徐庶進曹營」啦！

相信唔少史友都應該知道徐庶其實就係三國時期劉備謀臣，同時亦都係諸葛亮嘅好朋友。之但係，一直都希望招攬天下人才嘅曹操喺得知徐庶嘅能力之後，就希望可以招攬徐庶為自己效力。當時曹操就出到一招，就係將徐庶母親捉到曹營，並且搵人扮係徐母寫信畀徐庶。

徐庶得知自己母親被捉走之後，無辦法之下就只好向劉備請辭，北上投奔曹營。徐母自己自己被利用嚟欺騙自己個仔之後，一怒之下就只好自縊而亡，而徐庶得知呢件事之後就更加憎恨曹操，所以就算之後入到曹營都決心唔為曹操出謀獻策。於是，「徐庶進曹營」真正嘅意思其實就係一句歇後語「一言不發」喇！

原圖嚟自網絡