尋日阿史都同大家介紹到「乒乓外交」點樣令到中美關係破冰,之但係呢次事具體係點樣發生呢?今次就同大家介紹下啦!

時間去1971年日本名古屋舉行第31屆世界乒乓球錦標賽果陣,中國國家隊時隔兩屆重返賽場,喺開賽之前其實周恩來總理已經希望當時國家隊成員可以接觸多啲其他國家嘅代表。結果喺比賽完結第一日之後,中國國家隊成員準備由體育館返到賓館果陣,美國運動員Glenn Cowan就上埋同一架車,冇幾耐中國運動員莊則棟主動同佢握手、仲送他一塊中國印有黃山圖案杭州織錦留作紀念,而Glenn Cowan第二日就回贈一件印有有和平標記同埋「Let It Be」字樣嘅運動衫。

呢件事被記者捕捉到仲廣泛報道,Glenn Cowan被問到最想去邊一個國家,而Glenn Cowan好肯定咁答想去中國。結果,喺美國乒乓隊副領隊哈里森就去到中國代表團所在嘅酒店傾談,最後轉輾之下呢件事亦都成事。喺同年4月10日至17日,美國乒乓球協會運動員4位官員同埋9位運動員、一小批美國新聞記者經香港抵達北京,成為自1949年以來第一批獲准進入中華人民共和國境內嘅美國運動員。

原圖嚟自網絡