有中國「導彈之父」、「航天之父」美譽嘅中國著名科學家錢學森,佢有幾勁相當唔駛阿史介紹(因為以前都介紹咗唔少)。最近呢位已故科學家,又有關於佢嘅故仔,內容一樣咁勁。

日前上海交通大學新校史博物館開館,响眾多展品中就有錢學森大學時期一份考試答卷。呢份卷係佢响1933年6月作答用,課程是水力學。特別之處就係佢响考卷嘅書寫非常工整,整潔漂亮,有網民就話好似印出嚟咁。另一個有趣地方,就係呢六條考題佢全部答啱晒,但就只係得96分。原因係佢响最後一題公式推導中「Ns」寫漏咗個s,被扣去4分,所以成績就係96分喇!

睇完之後,阿史又諗起以前初中生物化學物理呢幾科測驗考試成日唔合格嘅回憶....

原圖:網絡