錢學森回國途中唔可以上岸？

上次講過錢學森讀書個陣做學霸嘅故事，今次阿史就想同史友們錢學森返國時一個故事。

响上世紀五十年代，美國麥卡錫主義盛行，國內反共情高漲，當時已經係專家級人馬嘅錢學森因為被懷疑同中國共產黨有接觸而被調查同監禁，後嚟中美兩國達成協議，錢學森就响1955年獲准啟程返回中國。錢學森响啟程前收到一封電報，呢封電報係以錢學森爸爸個名發出，叫佢返國沿途千祈唔好上岸。錢學森生前憶述返呢件事個陣，就話佢哋坐嘅船經過日本、馬尼拉時，同船中國人都上咗岸周圍睇下，但佢就唔敢離開隻船，因為佢一離開船，就即係離開左美國國土，發生乜嘢事都唔再關美國事，佢就話可能美國當局想攞佢命。為咗人生安全所以佢响回國途中都無上岸，結果佢同家人响船上悶咗廿幾日先去到香港，再坐火車前往深圳。

至於呢封叫唔好上岸嘅電報，其實唔係錢學森爸爸發出，而係外交部以佢爸爸個名發出，當時佢一睇就知箇中意義，所以先言聽計從回國途中唔落船。