上次阿史介紹咗徐庶去咗曹營後「一言不發」嘅故事，咁其實佢投身曹操陣營後係有乜遭遇呢？

其實關於徐庶嘅事蹟，响史籍裡面其實記載唔多，對呢位謀士嘅提及大多係响其他人嘅傳當中，甚至响陳壽《三國志》中對佢事蹟都無太多形容。相對而言，魏國史書《魏略》對佢就有多啲描述。據《魏略》所載，响徐庶去咗曹營後，官至步兵校尉，封關內侯。到咗曹丕篡漢後，佢官至右中郎將、御史中丞。御史中丞主要職責就係彈劾百官，官位可以話唔高又唔低，相對佢推薦俾劉備嘅諸葛亮最終成為蜀漢丞相，似乎就無得比。難怪諸葛亮北伐時聽到徐庶官職唔高時，就感嘆咁話「魏殊多士邪！何彼二人（即徐庶及石韜）不見用乎？」

今時今日大家知道徐庶嘅故事，其實都係羅貫中响《三國演義》加鹽加醋加返嚟。好似赤壁之戰前夕，徐庶遇見龐統並識破連環計，都只係虛構出嚟。

原圖：網絡