「波係圓嘅」、「守門員最好嘅朋友係條門柱」、「有乜嘢好過入一球？咪就係入兩球囉」「皇馬好波嘅時候真係好好波」呢啲香港球迷都會記得嘅金句，就係出自已故資深體育主播伍晃榮口中。

伍晃榮生前係資深體育記者同體育新聞主播，最為人熟悉就係响大台六點半新聞報道中報道體育新聞。伍晃榮以生動鬼馬嘅方式報道體育新聞，成為日後香港體育主播模仿嘅對象。而佢生動有趣嘅報道手法亦留低好多膾炙人口嘅金句，其中「波係圓嘅」成為咗今時今日香港人都仲成日講嘅一句話。

响2008年4月17日，即13年前今日，伍晃榮病逝，享年67歲。

原圖：網絡