尋日就同史友們介紹完「宰相肚裡能撐船」嘅典故起源，而提起呢個典故，大家都會將「將軍額上能跑馬」聯繫埋一齊，咁到底又係邊位將軍咁犀利，額上可以跑到馬呢？阿史今次就同大家介紹下啦！

呢度所講嘅將軍，之唔係北宋時期嘅狄青。狄青出生寒門，家世代務農，佢同哥哥相依為命，年幼時就曾經被流氓欺負，佢哥哥為咗幫佢就將對方打到重傷，後來狄青為哥哥頂罪，入獄之餘額頭上被刺上標記。

出獄以後，狄青喺初遊京師之時就投軍，仲加入埋殿前司馬軍拱聖軍，其後就先後參與過討伐西夏、廣西儂智高等戰役。由於佢驍勇善戰，立下唔少赫赫戰功，後來官至樞密使，諡武襄，追贈中書令、尚書令。

之不過樹大就容易招風，狄青頭上嘅標記喺軍營中就被議論紛紛，副將聽到軍中將士討論果陣，都想處罰呢班將士，之但係狄青就表示，自己額上標記係不可磨滅事實，所以將士亦都冇違反軍紀，佢甚至仲話將士們喺戰場上都用心用力殺敵，所以如果佢哋喺額上跑馬佢都唔會嬲。如果寬廣嘅氣度，就被後世稱為「將軍額上能跑馬」。

原圖嚟自網絡