「冰糖葫蘆」嘅出現 同一位愛妻嘅皇帝有關？

早幾日阿史就同大家介紹到饅頭嘅起源係同諸葛亮有關，有唔少史友都覺得呢類嘅故事幾得意，想阿史介紹多啲同歷史人物相關嘅食物，咁就當然冇問題啦！今次阿史就同大家講一講「冰糖葫蘆」啦！

「冰糖葫蘆」今時今日就已經成為內地大街小巷都相當流行嘅一種小食，呢種發祥自京津地區嘅食物到底係點樣嚟呢？相傳呢種食物嘅起源同一位愛妻嘅重帝好有關係！

呢位皇帝就係宋孝宗趙慎第三個仔宋光宗喇，雖然佢長居深宮之中不達世務，以四十三歲之齡先至登基，後來朝政更加被大臣操控，一生都冇乜大作為，但佢極度寵愛黃貴妃。有一次黃貴妃大病，就算御醫用到好多名貴藥品都好，都係起唔到效用。見到咁嘅情況，宋光宗相當緊張，最後就落到聖旨要民間醫師諗辦法。