今年係清華大學110周年校慶,而清華一位重量級校友就响校慶前夕返回母校考察,仲同師生見面交流,呢位校友就係國家主席習近平。
習近平係清華大學知名校友之一,更特別嘅係佢係兩次成為清華嘅畢業生。响1975年,當時响陝西延安延川縣插隊嘅習近平,經推薦後成為當年兩個名額嘅其中一員。習近平响《我是黃土地的兒子》一文中曾經提及過當時嘅事!「我三個志願都填清華,你讓我上就上,不讓我上就拉倒。」就係咁習近平入咗清華攻讀化工系基本有機合成專業,响1979年畢業。
响1998年,當時出任福建省委副書記嘅習近平,就响清華大學人文社會學院攻讀馬克思主義理論與思想政治教育專業,成為在職研究生,博士論文題目為《中國農村市場化研究》,指導教師為劉美珣教授,最終响2002年獲得法學博士學位,亦係習近平第二次响清華大學畢業。
原圖:xinhua