近排台灣嘅天氣相當炎熱,各地都久旱不雨,唔少水庫水位不斷下降,其中日月潭水庫嘅情況就更加嚴重,乾涸到成個水庫底都露咗出嚟。而亦都係因為呢個情況,就有當地市民喺觀光嘅時候發現到一塊乾隆年墓碑。

據果位網友投稿表示,自己就行行下日月潭水庫嘅時候忽然發現到呢塊二百七十五年前嘅石碑,就咁睇圖大家都會發現到,石碑嘅底部雖然斷裂咗,但表面都仲見到有清晰嘅刻字,左邊就刻有「陽男子孫立石」、中間就係「蔡公謹天碑佳城」、右邊就係「乾隆丙寅年修」字樣,亦即係1745年製造。

雖然話就係搵到件實物,之不過按照當地嘅專家表示,按呢款石碑嘅刻法同埋材質嚟睇,好有可能係近代嘅墓碑,可能係後代子孫仿照古代碑文內容重修而成,所以石碑很有可能只係因為洪水而沖到呢個地方,至於具體詳情係點就要等專家進一步研究先知!

原圖嚟自網絡