以往阿史都同大家介紹唔少香港嘅古蹟,當中唔少都係華麗有規模嘅建築物,就好似傳統嘅廟宇、西式嘅教堂又或者一啲舊政府設施等等,但今次阿史要介紹嘅呢樣法定古蹟,可能真係會超出大家嘅想像。

阿史今次要介紹嘅正正就係一個睇落冇乜特別嘅「石圓環」。呢項法定古蹟位於大嶼山,係由一組大約20塊未經琢磨嘅石塊埋疊而成,成個橢圓形結構長有2.7米、寬有1.7米,石塊嘅排列印證係人工砌築。咁史友們可能都會有一個問題,就係點解呢個咁簡單嘅圓環可以被列為法定古蹟?

原來按考古學家推斷,呢個石圓環係石器時代晚期至青銅時代嘅遺跡,至於點解會堆疊成咁樣,據推斷可能係同祭祀儀式有關。由於呢次發現相當完整又罕見,所以喺1983年分流石圓環就被列為法定古蹟喇!

原圖嚟自網絡