香港科學館前身係漆咸道軍營？

早幾日就係香港科學館成立嘅第30周年，咁提起科學館唔少歷史文件都會聯繫埋漆咸道軍營，咁到底科學館前身又係唔係一個軍營呢？今次阿史就想同大家講一講。

漆咸道軍營所在嘅位置就係尖沙咀東漆咸道南、鄰近紅磡灣西岸海邊，以前呢個軍營亦都只係一個規模較細嘅營房，旁邊仲有九廣鐵路嘅火車軌。雖然話就話係軍營，按照駐港軍營慣例亦都只可以用於軍事用邊，但其實呢個軍營以往就係政治拘禁嘅重要場所之一，以往就曾經拘留過曾昭科同埋佢嘅屬下，並且喺呢個地方進行過嚴刑拷問，甚至仲有人受唔住拷問嘗試自殺。

除咗呢個用途，軍營仲曾經用作霍亂病人隔離營、監獄署收押少年犯嘅地方。而踏入1970年代，政府就將紅磡灣填海建立尖沙咀東新發展區，軍營喺1978年交返畀政府，原址最初就係規劃成香港科學館休憩公園，但後來就發展咗做香港歷史博物館喇！