繼續同史友們介紹香港各區嘅古蹟，石碑類、牌坊類嘅古蹟以往都同大家講唔少，而喺堅尼地城就有一座咁樣嘅拱形牌坊，唔知史友們又有冇見過呢？

阿史所講嘅其實就係東華痘局嘅拱形牌坊同埋基石，呢組文物位於堅尼地城加惠民道，係東華痘局奠基果陣由時任港督卜力主持安放儀式果陣留低嘅。提起「痘局」年輕嘅史友可能唔知係乜，但其實呢項設施係早年防治天花嘅重要場所，「東華痘局」原址原本唔係痘局，喺1907年果陣政府先正式將呢座原本係政府管理嘅防疫設施交畀東華醫院作為防治天花痘局。

東華痘局喺1910年正式啟用，當時仲喺卑路乍街與域多利道交界設立拱門，紀念石匾上刻有：「TUNG WAH SMALLPOX HOSPITAL, A.D. 1910」英文字樣。東華痘局當時主要以中醫藥治理天花病人同埋接種牛痘，後來天花絕跡，東華痘局就喺1938年交還畀政府用作傳染病醫院，直至日佔時期結束之後先被拆卸，拱門同埋奠基石就被移放去附近西寧街的堅尼地城巴士總站現址喇！

原圖嚟自網絡