三國嘅歷史同故事大家都睇唔少,相信唔少史友都會知道「江表之虎臣」、三國東吳名將丁奉,而近排內地嘅南京六朝博物館就開設咗一個名為「東吳名將江表虎臣——東吳丁奉家族墓出土文物展」,到底當中有啲咩睇?阿史今次就同大家介紹下啦!

按史書記載,丁奉就係經歷咗孫權、孫亮、孫休、孫皓四代君主,一生人由右大司馬、左軍師,封安豐侯都做過,見盡三國興衰。喺公元252年,孫權過身之後,當時魏君攻吳,攻取東吳東興城,當時丁奉就帶咗三千軍宜作為先鋒,脫去裝甲只係帶短刀殺入敵營,史稱「東興之戰」。佢對東吳嚟講真係舉足輕重,而喺佢離世後嘅九年,東吳亦都滅亡。

據估計,丁奉死果陣至少都有七、八十歲,咁到底佢嘅家族墓有咩睇呢?呢次展覽就展出咗南京其中4座東吳磚室墓之中嘅丁奉墓,入面除咗有明確記載指出墓主係丁奉之外,仲有一組釉陶騎馬俑,亦都係第一次喺南京發現到,就算喺全國都唔常見。呢套「微型儀仗隊」嘅出現,亦都證明丁奉係位極人臣,死後先至會有呢啲待遇。而同場仲有「丁奉磚地卷文」、「銅立人俑」等等嘅展品,有機會阿史都想去睇一睇!

原圖嚟自網絡