繼續同史友們介紹香港嘅一啲特色屋苑,上李屋邨早排阿史就同大家介紹過,而大家都知道喺1990年嘅時候上李屋邨因為樓齡太高而需要重建,所以由香港房屋協會策劃之下,就重建成為樂年花園並且喺1995年入伙。咁到底呢個屋苑有咩特色呢?阿史今次就同大家介紹下啦!

樂年花園位於長沙灣順寧道16-20號、保安道2-2A號同埋東沙島街186-190號,見到呢堆地址,史友們都應該知道其實成個屋苑係由7幢13層高嘅大廈組成,並且以行人天橋連接。講返個設計,當年建築公司就為咗令到大廈可以見多啲山景,就以L型同埋長條型排列;而另一個特色就係大樓嘅外牆有齊藝術裝飾線,成個風格係參照古典英式喬治亞設計風格作藍本,唔少人仲覺得呢個設計幾似又一居添!

原圖嚟自網絡