呢排阿史都同大家介紹唔少上世紀我國嘅傑出科學家，全因為佢哋嘅犧牲先至可以令到中國嘅科技、航天技術得到巨大嘅發展。而喺當年嘅今日，就有一件標誌性嘅事件發生。

喺1970年4月24日，我國嘅第一粒人造衛星喺酒泉衛星發射中心發射升空，呢粒正正就係東方紅人造衛星系列嘅第一粒衛星，連同1964年嘅原子彈、1966年裝載核彈頭嘅飛彈以及1967嘅氫彈，兩彈一星就此形成。可能有史友們問，到底點解呢粒衛星會以「東方紅」命名，其實原因真係有段故，就係當年為咗測試呢粒衛星喺極端情況下嘅信號傳遞，所以工程師就喺衛星上裝咗模擬演奏《東方紅》樂曲嘅儀器，所以就直接用呢首樂歌曲命名喇！

呢次以「長征一號」運載火箭成功嘅發射升空亦都意味住中國係繼蘇聯、美國、法國、日本之後，第五個可以憑自己實力發射人造衛星嘅國家，而且技術水平同埋質量都比前四個國家高，真係意義重大。

原圖嚟自網絡