之前介紹咗祝融,阿史又記起以前睇亞視《歷史也瘋狂》時,睇過一個關於祝融嘅故事,而且仲同女媧煉石補青天有關。

呢個傳說係嚟自漢代《淮南子》,而响唐代司馬貞所著嘅《三皇本紀》就多咗唔少細節。話說古代有水神共工同火神祝融,由於祝融教會人類用火而獲得世人崇拜,共工因而妒忌,於是水神共工同火神祝融嚟咗場大戰,最後共工被祝融打敗。輸咗嘅共工唔忿氣,於是就用頭撞响撐住世界嘅天柱不周山,導致個天冧落嚟。女媧就阻止呢場災難,於是「鍊五色石以補天,斷鼇足以立四極」,最終地平天成,不改舊物。

講返轉頭,當年响《歷史也瘋狂》扮共工係李麗蕊,扮祝融係盧海鵬,扮女媧係伍姑娘,咁就差唔多成三十年前。

原圖:網絡