喺1911年4月27日，廣州就有一件大事發生，呢件事亦都被認為係武昌起義之前最轟動嘅一件事，就係「黃花崗起義」喇！

呢場起義係由孫文喺1910年11月13日提出，並且交由黃興主持籌劃。當年黃興、趙聲就喺1911年香港成立起義統籌部，本身就定咗喺4月13日行動，但由於武器同埋裝備準備得唔充足、策應起義嘅新軍大批退伍等原因，就只好將起義日期推遲到4月27日。

當時同盟會原本計劃翌年配合新軍、巡防營、巡警隊兵分十路攻下廣州，繼而推動全國嘅革命，但點知起義信息泄露，令到原有嘅攻城計劃改成刺殺計劃，原定嘅四條進攻路線就只有黃興一路嘅130幾人進攻。而當起義部隊攻入兩廣總督署就發現兩廣總督張鳴岐已經逃跑，緊接而嚟就係水師提督李准兩個防營隨即前來鎮壓，起義部隊事部，大部分成員陣亡或者被俘。

有86人當場犧牲或者被捕處決，清廷之後仲將革命份子嘅屍體放喺街上示眾。後來有同盟會嘅記者搵到其中72具遺骸，並將一班烈士葬於黃花崗，呢件事就史稱「黃花崗起義」喇！

原圖嚟自網絡