「香港毛紡大王」曹光彪同清華大學關係密切?

上個月，有「香港毛紡大王」之稱、港龍航空創辦人曹光彪喺香港逝世，享年101歲，佢嘅死令到唔少人都覺得婉惜。而喺近日，清華大學就公佈咗一則同佢有關嘅新聞令阿史慨嘆，曹光彪先生真係一位大慈善家！

喺清華大學110周年校慶嘅時候，原來校方就收到一份情深意重嘅禮物，呢份禮物正正就係曹光彪先生臨終前嘅寄託——將自己名下嘅財產全部捐畀清華，希望可以幫助清華大家為國家富強、民族復興努力貢獻。而校方亦都欣然接受呢筆捐款，並成立一個「清華大學曹光彪先生紀念基金」。

而翻查資料之下，原來曹光彪先生已經唔止一次捐款幫助清華大學。早喺1994年果陣，時任清華常務副校長楊家慶帶隊帶隊嚟到香港訪問，當時曹光彪知道呢個消息就請到楊家慶見面，仲捐贈一千萬畀清華發展，係當時清華得到最大嘅一筆捐款；而後來曹光彪都係繼續捐款支持清華，就好似清華遠端教育中心、體育館等等都係由曹光彪捐款興建，認真有善心。