「剃人頭者」點解會「人亦剃其頭」？

今時今日如果想形容「惡人更有惡人磨」、「以其人之道，還治其人之身」嘅情況，好多時候都仲會用到「剃人頭者，人亦剃其頭」嘅呢個講法。之但係，史友們又知唔知呢句說話係點樣嚟呢？

其實如果要追溯呢句說話，就要由300幾年前講起。喺明朝滅亡清朝入關嘅時候，當時清廷就要漢人全部都跟從滿清剃頭嘅習俗，並且仲要將頭髮束成長辮，當時就留低一句說話「剃頭不留髮，留髮不留頭」，甚至仲有文人作咗唔少打油詩去講呢個情況。

而其中就有一首《剃頭歌》相當流行，呢首詩嘅內容就係「聞道頭堪剃，而今盡剃頭。有頭皆要剃，不剃不成頭。請看剃頭者，人亦剃其頭。」當中就係講幫助人地剃頭嘅，最終都會畀其他人剃頭，寓意以其人之道，還治其人之身。