又係時候同大家講一講當年今日發生嘅世界大事,近年嚟美國嘅種族主義問題持續,甚至仲引起國內有唔少暴動暴亂嘅情況出現,而喺當年今日洛杉磯就爆發咗一宗嚴重嘅種族暴亂。

喺1992年4月29日,美國加州南部大城洛杉磯市爆發一系列動亂,而引發呢場動亂嘅原因係因為一宗案件。喺1991年3月,有位叫做羅德尼·金嘅黑人酒後超速,咁有一位女巡警Melanie Singer驅車緊追,冇幾耐呢位黑人就被美國四位白人警察制服咗。之但係羅德尼·金就嘗試反抗,結果就引嚟四位白人警察用到高壓電警棍、金屬警棍等狠擊佢嘅頭部,仲有兩個白人警察用腳起勢咁踢佢。成件事就被當地居民影晒落嚟,81秒嘅影片廣泛流傳,令到成個美國指責呢幾位白人警察。

之係但,喺1992年4月29日,呢場「美國警暴」並冇得到公平裁決,當地陪審團宣判四名被控「使用過當武力」嘅警察無罪釋放,結果就引發過千名黑人上街抗議,事仲慢慢就引發成暴亂。據估計當時就造10億美金嘅損失,63人喺暴動當中死亡,幾千人受傷。

喺騷動結束後,聯邦陪審團先至重新裁定「過當武力」案中兩名警察有罪。

原圖嚟自網絡