話說最近唔知做乜响youtube彈咗大台套舊嘅古裝劇《金玉滿堂》出嚟,咁阿史就睇下啦!嘩!有一集就講歐陽波比演嘅戴東官點樣煮條鱘龍魚,雖然好誇張但其實算係幾貼近現實。

鱘龍魚係一種古老魚類,可以追朔到白堊紀時期,即大約大約1億4,000萬到6,500萬年前。由於保留著古代時期魚類嘅基本特徵,所以就有「水中活化石魚」嘅美譽。目前世界上嘅野生鱘龍魚就响亞洲、北美北美洲、歐洲以及中東地區都可以搵到,响中國最出名就有中華鱘。响以往,鱘龍魚被中國人視為珍品,《本草綱目‧鰉魚》就對鱘龍魚(鰉魚即鱘)有咁嘅記載:「共脂與肉層層相間肉色白、脂色黃如其脊骨及鼻,並然與綠,皆脆軟可食。其肚及仔鹽藏亦佳,其亦可作膠,肉號煮及作炸皆美。」從以上文字就知李時珍教埋你點煮點食。但講到食鱘,就有講法話清代慈禧太后好鍾意食鱘,仲成為御膳料理。因為鱘魚肉質细滑,油脂含量又低,又養顏又養生,啱晒呢位老佛爺。

阿史以前响內地就食過養殖嘅鱘魚,的確好滑同啲骨好軟,响北方少食海魚嘅地區,鱘魚的確係好選擇。

原圖:網絡