阿波羅11號太空人 柯林斯病逝終年90歲

喺上個世紀，美國就展開咗首次人類登陸月球太空飛行任務阿波羅十一號，提起呢個計劃相信唔少史友們都會諗起登月第一人岩士唐，但其實呢個計劃重要嘅人物唔止一個，柯林斯（Michael Collins）亦都有住好重要嘅角色。而呢位曾經參加美國阿波羅11號登月任務嘅太空人就喺近日因癌症逝世，終年90歲。

柯林斯係阿波羅11號登月任務太空人之一，喺1969年太空人岩士唐、艾德靈（Buzz Aldrin）登陸月球表面果陣，為期八日嘅任務期間柯林斯就係負責負責留守月球軌道上指令艙，佢係需要獨自留守喺指揮艙逾21小時。唔單止咁，每次飛船繞到月球暗面果陣，岩士唐就會同休斯敦控制中心失去聯繫，令柯林斯經常被形容為「被遺忘的第三位太空人」。

而對於呢段咁特別嘅經歷，柯林斯一直都保持低調，後來佢亦都做過美國國家航空航天博物館館長，出咗唔少討論太空嘅書籍。佢憶述自己返回地球嘅果一刻，當時佢就覺得呢個星球好脆弱，或者當世界嘅領袖可以喺10萬英里外重新望到自己嘅星球，可能佢哋依家嘅觀點都會改變，世界或者就再無邊界咁話！