呢幾日喺網絡就流出一條關於柳州螺螄粉嘅消息,而呢則新聞一出隨即引嚟幾億網民閱讀討論,到底呢種咁有味道嘅粉點解會成為一個焦點呢?

近排據內地媒體嘅數據公佈,呢種以「臭」聞名嘅柳州螺螄粉單單係2020年出口總值就增加咗二十幾倍,而佢嘅出口地唔單止係美國又或者澳洲,仲有賣到去歐盟國家、意大利、德國等等,認真巴閉。咁大家可能都有個問題,就係呢款本身寂寂無名嘅粉,到底係點樣嚟起源呢?

關於呢款粉嘅起源一直都有幾個講法,其中一個講法就係喺70年代之後,中國嘅經濟開始恢復,商貿活動開始活躍亦都令到唔少工人經常外出工作。當時谷埠街就係柳州市內生螺批發最大集散地,附近由於有電影院,所以成日都有唔少市民、工人去到呢度行下,慢慢就形成一個谷埠街夜市。咁又同螺螄粉有咩關係呢?原來柳州人不嬲都有食開螺螄同埋米粉,所以就有啲老闆同埋煮螺同埋米粉,跟住就有人開始將油水多嘅螺螄湯同米粉一齊食用,慢慢就形成咗螺螄粉雛形。經過多年改良,依家嘅螺螄粉就會加入酸筍、木耳、花生、油炸腐竹、黃花菜等等嘅配料,真係味道十足!

原圖嚟自網絡