今日係五月一日，係勞動節嘅日子。雖然年年都過勞動節，但史友們又知唔知呢個節日係點嚟呢？阿史今次就為大家介紹下啦！

要介紹勞動節，就要由19世紀美國嘅一場悲劇講起。美國喺經歷過南北戰爭之後，經濟長期蕭條，但去到80年代左右工業發展得以擴大，特別係芝加哥，當時有唔少德國、波西米亞移民以極低嘅薪金每日長時間工作，先至可以造就呢段時間嘅經濟增長。由於要穩定工人持續工作，所以當時唔少僱主都採取反工會措施。

而去到1886年，就有幾千名工人展開罷工，並且喺全美各地唱起《八小時》（Eight Hour）一歌，要求每日只係工作八小時，據估計全美有近50萬人參加罷工。之但係去到5月3日，由於雙方衝突升級，美國嘅警察將兩個麥考密克罷工工人打死觸發眾怒，罷工行動升級；去到5月4日，一位身份不明嘅人士向警察投擲炸彈，令到7名警察殉職。之後，警察開槍還擊令到4人喪命，過百人受傷，呢場就係「乾草市場屠殺」喇！

而喺呢場血腥鎮壓過後，為紀念美國工人階級英勇鬥爭，1889年巴黎大會上就決定將每年5月1日定為國際勞動節；至於美國嘅勞動節就係定係每年九月第一個星期一嘅。

原圖嚟自網絡