近排印度嘅疫情失控,單係一個星期就已經有30幾萬宗確診案例,而喺呢個水深火熱嘅時刻,我國就向印度提供咗大批氧氣機支援佢哋抗疫。呢個舉動令到唔少人形容係以德報怨,甚至仲有印媒諗返起喺抗戰時期嘅一位醫生——柯棣華醫生。

雖然呢位醫生有住一個中文名,但實際上佢係一個生於孟買嘅印度醫生,佢早年曾經投身印度政界、亦都當選過市政議員,喺1937年果陣就已經得到格蘭特醫學院出任住院外科醫生,認真犀利。柯棣華嘅父母原本係想佢可以返去鄉下結婚,安定咁喺家鄉經營診所。但當時時值中國抗日戰爭爆發,柯棣華唔單止放棄返到鄉下,仲放棄埋去英國留學,毅然選擇加入印度國大黨組織印度援華醫療隊,喺1938年9月1日自孟買乘「拉齊普塔那號」郵船遠赴中國廣州。

喺1938年9月25日到11月16日,呢支醫療隊就先後去過長沙、漢口、宜昌等地等地,喺1938年11月21日就到達重慶,呢五位醫生亦都係喺呢個時候得到中文名。而喺醫療隊離開重慶之後,三位醫生就去到東南抗日前線,而柯棣華就隨部隊轉戰各地,最後喺1942年因為癲癇一再復發喺前線河北省唐縣葛公村逝世,年僅32歲。

原圖嚟自網絡