美國自立國以嚟,都係一個種族歧視非常嚴重嘅國家,特別係响十九世紀,直頭通過法案實行排華。

响1882年5月6日,即139年前,美國總統簽署咗《關於執行有關華人條約諸規定的法案》,呢個甚為出名嘅排華法案亦正式生效。根據法例,美國暫停華人移民到美國;以監禁同驅逐懲戒方式禁止「被礦井僱傭的有技能或無技能的華人勞工們」响十年之內進入美國。亦由於政府帶頭排華,令响美國生活嘅華人受盡委屈。

咁點解美國政府會實行排華呢?話說十九世紀五十年代,美國牽起淘金潮,好多嚟自中國嘅人被人賣豬仔去咗掘金做苦工。不過,呢啲華人因為愈嚟愈多,成為咗當地一個小社群,有啲華人就捱出頭儲到個錢做生意,响當地漸漸影響當地白人利益,窮嘅白人就覺得華人搶佢哋飯碗,做生意個班又覺得華商搶佢哋生意,所以社會出現反華情緒,最終被政客政黨利用呢個議題大造文章,最終排華法案就通過咗喇!

原圖:kuaibao